فى سنه 1946 , واحد إسمه "Francis Robinson "فى كتابه "Effective study " قال أن فى طريقه كويسه ممكن تستخدمها أثناء المذاكره وهى طريقه " SQ3R".
الطريقه عبار عن خمس خطوات كالتالى:
---------------------
1:Survey ( التصفح )
ودى أول خطوه وهيا أنك بتاخد لفه على الموضوع ككل وتشوف هو بيتكلم عن إى, وبتاخد لمحه سريعه عن العناوين الرئيسيه والفرعيه , والخطوه دى بتأخد معاك من 3 لـ 5 دقائق.
.
2: Question ( طرح الأسئلة )
بعد ما أخذت لمحه سريعه عن الموضوع هتبدا تحول اللى أنت شوفته لأسئله بتسألها لنفسك , أو تحول العناوين اللى أنت قرأتها لأسئله وتحاول تشوف أنت عارف إجابتها ولا لا , طيب لو معرفتش إجابتها ؟ إستنى الخطوه الثالثه بقا.
.
3: Read ( القراءة )
بعد الخطوتين اللى فاتو , هتبدأ تقرأ بتمعن " وبفهم " علشان تجاوب على الأسئله اللى أنت سألتها لنفسك فى الخطوة التانية
.
4: Recite ( سمع لنفسك )
بعد الخطوات السابقة محتاج انك تقرأ بصوت عالى الإجابات اللى أنت جاوبتها عل الاسئلة اللى كونتها , ومحتاج تقرأ أكثر وتستخدم أثناء القراءه طرق وأساليب خاصه بيك تساعدك اكتر, فأنت فى المرحله دى بتحاول تسترجع مع نفسك بصوت عالى اللى أنت قرأته فى المرحله التالتة
.
5: Review ( المراجعة )
آخر خطوة فى الطريقه دى وهى المراجعه وهي أنك بتراجع على كل الخطوات اللى أنت عملتها علشان اللى أنت قرأته كله يثبت معاك , وكمان لازم تستخدم الكتابه أثناء المراجعه
الشير للناس عشان تساعدهم
اخوكم محمد عشري
انا محمد عشري طالب بالفرقه الاولي بكليه الزراعه جامعه الازهر بالقاهره هدفي ان يساعد الناس بعضهم البعض وليس لي اي هدف ربحي
تحويل كودإخفاء محول الأكواد الإبتساماتإخفاء